Aktual mövzular: Dollar alış-satışı, Neftin qiyməti, COP29, Hava proqnozu

Gənclər Azərbaycanda süni intellektin tətbiqinə kömək edirlər

Gənclər Azərbaycanda süni intellektin tətbiqinə kömək edirlər

Tarix: 22 Sentyabr 2020 18:51

Bakı. Trend:

Azərbaycan Könüllü Təşkilatları İttifaqının tərəfdaş olduğu “eSAS” Könüllülük proqramı çərçivəsində “Azərbaycan dili üzrə nitqin tanınması üçün məlumat bazasının toplanması” layihəsi davam edir.

Azərbaycan Gənclər Fondundan Trend-ə bildirilib ki, Nəqliyyat, Rabitə və Yüksək Texnologiyalar Nazirliyi, “Regional İnkişaf” İctimai Birliyi və Birləşmiş Millətlər Təşkilatının İnkişaf Proqramının bu birgə layihəsi “eSAS” elektron Aktivlik Sistemi üzərindən təsis edilmişdir.

Layihənin əsas məqsədi Azərbaycan dili üzrə nitqin tanınması üçün süni intellekt sahəsinin inkişafının dəstəklənməsi, müxtəlif növ böyük məlumat bazalarının hazırlanmasıdır. Yarış 21-27 sentyabr tarixlərini əhatə edəcək və layihə ərzində ən çox mətn səsləndirən könüllülər mükafatlandırılacaq.

Mükafatlandırma mərasimi cari ilin oktyabr ayında Nəqliyyat, Rabitə və Yüksək Texnologiyalar Nazirliyinin təşəbbüsü ilə keçiriləcək “InnoWeek - İnnovasiyalar Həftəsi” çərçivəsində təşkil ediləcəkdir.

Yarışda iştirak etmək istəyən gənclər aşağıdakı keçiddən qeydiyyatdan keçə bilərlər: https://dc.mymedia.az/


Etiketlər:  Gənclər Azərbaycanda süni intellektin tətbiqinə kömək edirlər


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ