Aktual mövzular: Dollar alış-satışı, Məzənnə, Neftin qiyməti

“Mini LED” ekranlı və “5G” dəstəkli “Xiaomi” televizoru nümayiş olunub

Tarix: 26 Sentyabr 2020 08:16

"Xiaomi" şirkəti yeni nəsil qabaqcıl "Mi TV Master Extreme Edition" televizorunu rəsmən nümayiş etdirib. Premium model mütərəqqi "Mini LED" texnologiyası üzərində qurulan böyük "8K" ekranı ilə təchiz ediləcək. Beləliklə, şirkət "OLED" ilə müqayisədə görüntünün keyfiyyət və kontrastlığını xeyli artırmağa nail olub.

Milli.Az ictnews.az-a istinadən bildirir ki, "Mini LED" displeylərinin qeyri-adiliyi onların konstruksiyasında "OLED" və "IPS" ekranları ilə müqayisədə daha yaxşı rəngvermə və kontrastlığı təmin edən xüsusi submillimetr işıq saçan diodlardan istifadənin nəzərdə tutulmasındadır. Bundan başqa, "Mini LED" ekranlar "OLED"dən 20-30 faiz az enerji sərf edir və daha geniş temperatur diapazonunda işləyir.

"Mi TV Master Extreme Commemorative Edition Xiaomi" televizorunun diaqonal ölçüsü açıqlanmasa da, onun "8K" təsvir ölçüsünü dəstəkləyəcəyi, eləcə də "Wi-Fi" və ya "Ethernet" qoşulması olmadan kontentin translyasiyası üçün "5G" modemlə təchiz ediləcəyi bildirilir.

Yeni televizorun təqdimatı sentyabrın 29-na planlaşdırılır.

Milli.Az

Whatsapp ilə göndər