Yeni Hayat-dan azad olunmuş ərazilərimizdə bərpa işlərinin aparılması üçün 1 000 000 manat yardım

Tarix: 21 Dekabr 2020 15:27

Bakı. Trend:

Azərbaycan Respublikasının Prezidenti İlham Əliyevin mütəmadi vurğuladığı kimi, Azərbaycan müxtəlif sivilizasiyaların qovuşduğu məkan olaraq, ayrı-ayrı millətlərin və konfessiyaların nümayəndələrinin sülh, əmin-amanlıq, qarşılıqlı anlaşma və dialoq şəraitində yaşadığı ölkədir. Bu qəbildən də Azərbaycan burada yaşayan fərqli dini etiqadından, milliətindən asılı olmayaraq hər bir vətəndaşın vətənidir.

İllərdir ki, işğal altında olan Qarabağ torpaqlarının azad olunması zamanı istər ön, istərsə də arxa cəbhədə çalışan hər bir Azərbaycan vətəndaşı çiyin-çiyinə duraraq qəhrəmanlıqlar göstərmiş nəticədə 44 gün aparılan haqq müharibəsi Azərbaycanımızın zəfəri ilə başa çatmışdır. Əfsuslar olsun ki, bu illər ərzində işğal altında qalan torpaqlarımızda olan istər yaşayış istərsə də iaşə infrastrukturları, binalar, dini məbədlər düşmən tərəfindən dağıdılaraq yararsız hala salınmışdır.

Azad olunmuş torpaqlarımızla bağlı hazırda Azərbaycan dövlətinin qarşısında duran preoritet məslələrdən biri də həmin ərazilərdə yerləşən bütün infrastrkturların yüksək keyfiyyətlə yenidən qurularaq bərpa edilməsi və vətəndaşların ixtiyarına verilməsidir. Respublikamızda milli və dini tolerantlığın, multikuturalizmin, milli-mənəvi dəyərlərin inkişafında və təbliğ edilməsi eləcə də Ölkkəmzdə aparılan quruculuq yenidən qurma işlərində Heydər Əliyev Fondunun xidmətləri əvəzolunmazdır.

Yeni Hayat Şirkətlər Qrupu da dövlətimizin bu yanaşmasını və işğaldan azad olunan ərazilərimizdə bərpa işlərinin aparılması istiqamətində atılan addımları dəstəkləyərək öz həmrəyliyini bəyan edir. Bu məqsədlə də Yeni Hayat Şirkətlər Qrupu işğaldan azad olunmuş torpaqlarımızda yenidən qurma bərpa işlərinin aparılması üçün Heydər Əliyev Fonduna 2021-ci il müddəti ərzində ayda 100 000 manat olmaqla toplam 1 000 000 manat yardım etməyi öz öhdəsinə götürür.