Aktual mövzular: Dollar alış-satışı, Neftin qiyməti, COP29, Hava proqnozu

Gələn il AzTv Avropa kanalları ilə ortaq yayımlar keçirəcək

Tarix: 25 Dekabr 2020 11:40

Bakı. İlhamə İsabalayeva – Trend:

2021-ci ildə AzTv Avropa kanalları ilə də ortaq yayımlar həyata keçirəcək.

Trend-in məlumatına görə, bunu “Azərbaycan Televiziya və Radio Verilişləri” Qapalı Səhmdar Cəmiyyətinin sədri Rövşən Məmmədov deyib.

Onun sözlərinə görə, yeni nəsil kadr potensialının yaradılması üçün 2021-ci ildə xarici mütəxəssislərin Azərbaycana dəvət edilməsi nəzərdə tutulur. Bu mütəxəssislərin xüsusən Rusiya və Türkiyədən dəvət edilməsi planlaşdırılır: “Təbii ki, yerli mütəxəssislərimiz var və onlar televiziyanın inkişafında önəmli rol oynayırlar. Biz onların hər birinə minnətdarıq. Amma zaman dəyişir, yeniliklərə ehtiyac yaranır”.

R.Məmmədov qeyd edib ki, xarici mütəxəssislər yeni gələn nəslə redaktorluqdan tutmuş prodüsserliyə qədər dərslər keçəcəklər: “Digər kanalların əməkdaşları da bundan yararlanacaqlar. Bunun üçün bütün şərait yaradılacaq”.

Whatsapp ilə göndər