Samsung Galaxy S21 seriyasının yeni smartfonlarını təqdim etdi

Tarix: 15 Yanvar 2021 00:52

Bakı. Trend:

Cənubi Koreyanın "Samsung Electronics" şirkəti Galaxy S21 və Galaxy S21 + və Galaxy S21 Ultra-nın ən qabaqcıl smartfonlarını təqdim etdi.

Trend-in məlumatına görə, təqdimat şirkətin saytında canlı yayımda gedib.

Galaxy S21 smartfonu 6,2 düymlük Dynamic AMOLED 2X Infinity-O 120Hz ağıllı adaptiv ekrana malikdir. Galaxy S21 +, Galaxy S21 ilə eyni xüsusiyyətlərə sahib olan 6.7 düymlük bekrana və daha da genişlənmiş batareyaya sahibdir.

Hər iki modeldə hər səhnəni qiymətləndirən və tənzimləyən üçqat sünu intellektli kameralar var. Hər iki smartfonda Exynos 2100 prosessor, 8GB operativ yaddaş və 128GB / 256GB daxili yaddaşa malikdir.

Galaxy S21 Ultra modeli Galaxy S21 seriyasında ən böyük cihazdır. Bu yeni smartfon bütün linzalarda saniyədə 60 kadr sürətli 4K çəkilişi dəstəkləyir.

Yeni modellər 5G bağlantısını dəstəkləyir.