Aktual mövzular: Dollar alış-satışı, Neftin qiyməti, COP29, Hava proqnozu

220 milyonu var, amma xərcləyə bilmir - Dünyanın ən bədbəxt milyonçusu

Tarix: 15 Yanvar 2021 07:02

San-Fransiskoda yaşayan Stefan Tomas adlı Almaniya vətəndaşı içində 220 milyon dollar olan "Bitkoin" hesabının şifrəsini unudub.

Sonxeber.net xəbər verir ki, alman proqramçının şifrəni doğru təxmin edə bilmək üçün sadəcə 2 şansı qalıb.

S.Tomas yanlış təxminlər etsə, hesabı batacaq.

"Nyu-York Tayms"a açıqlama verən proqramçı ən çox istifadə etdiyi şifrə formalarını sınaqdan keçirdiyini, lakin heç biri işə yaramadığı üçün pullarını götürə bilmədiyini deyib.

Qeyd edək ki, S.Tomas 2010-cu ildə biri 4 dollara olan 7 min 200 ədəd "Bitkoin" alıb. Hazırda "Bitkoin"lərinin biri 35 min dollara yaxın dəyər daşıyır.

Proqramçı tvitter hesabından verdiyi açıqlamada "ümid edirəm, mənim səhvlərimdən dərs çıxaranlar olar. Bir parça proqnoz 10 illik peşmanlığın qarşısını ala bilər" sözlərini yazıb. (publika.az)

Whatsapp ilə göndər