Aktual mövzular: Dollar alış-satışı, Neftin qiyməti, COP29, Hava proqnozu
Tarix: 11 Fevral 2021 18:40
"Napoli" baş məşqçisi Cennaro Qattuzo ilə bağlı yekun qərarını verib.
Sonxeber.net qol.az-a istinadən xəbər verir ki, bu barədə klubun idman direktoru Kristiano Cuntoli bildirib. O, 43 yaşlı mütəxəssisi bu mövsümün sonuna kimi istefaya göndərmək fikirlərinin olmadığını deyib:
"Hamımız məşqçimizi dəstəkləməyə davam edəcəyik. Bu layihəyə inanırıq və bütün yarışlarda mübarizə aparırıq. Müvafiq qərarlar mövsüm başa çatdıqdan sonra veriləcək".
Qeyd edək ki, "Napoli" dünən İtaliya kubokunun yarımfinalında "Atalanta"ya 1:3 hesabı ilə uduzaraq turnirdə mübarizəni dayandırıb. Komanda A seriyasında isə 37 xalla 6-cıdır.