Aktual mövzular: Dollar alış-satışı, Neftin qiyməti, COP29, Hava proqnozu

Qadını itələyən polislə bağlı araşdırma aparılır - VİDEO

Qadını itələyən polislə bağlı araşdırma aparılır - VİDEO

Tarix: 15 Fevral 2021 12:42

Daxili İşlər Nazirliyi Bakıda bərbərxanada qadına qarşı zorakılıq edən polis əməkdaşı ilə bağlı məsələni araşdırır.

Sonxeber.net qafqazinfo-ya istinadən xəbər verir ki, hadisə fevralın 12-i saat 16 radələrində Yasamal rayonu, Şıxəli Qurbanov küçəsində yerləşən bərbərxanaların birində baş verib.

Məlumata görə, Yasamal RPİ 27-ci Polis Bölməsinin sahə müvəkkili Qubadov Camal Qubad oğlu bərbərxanaya daxil olaraq, qeydiyyatçı işləyən qadına maska taxmadığına görə cərimə yazacağını bildirib. Vətəndaş isə maska taxdığını bildirərək buna etiraz edib.

Daha sonra isə sahə müvəkkili bərbərxanada həmin qadına qarşı fiziki təzyiq edərək onu itələyib. Ardınca isə polis əməkdaşı C.Qubadov həmin xanımı polis bölməsinə aparıb və ona cərimə protokolu yazılıb.

DİN Mətbuat xidmətindən qafqazinfo-ya bildirilib ki, məsələ ilə bağlı müvafiq araşdırma aparılır: "Araşdırmanın nəticəsindən asılı olaraq hadisəyə hüquqi qiymət veriləcək".


Etiketlər:  Qadını itələyən polislə bağlı araşdırma aparılır VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ