Torres ''Atletiko''dan getdi

Tarix: 15 Fevral 2021 13:48

İspaniya millisinin sabiq hücumçusu Fernando Torres "Atletiko"nun ikinci komandasında məşqçi vəzifəsindən ayrılıb.

Sonxeber.net qol.az-a istinadən xəbər verir ki, bu barədə "AS" nəşri məlumat yayıb. Torres 2021-ci ilin yanvar ayının ortalarında Madrid təmsilçisində məşqçiliyə başlayıb. Baş məşqçinin köməkçisi vəzifəsində çalışıb. Ancaq bu həftə Fernando vəzifəsini tərk etmək məcburiyyətində qalıb. 36 yaşlı sabiq futbolçu bildirib ki, gedişinin səbəbi tamamilə şəxsidir, bunun klub rəhbərliyi ilə münasibətləri ilə heç bir əlaqəsi yoxdur.

Eyni zamanda, mart ayında Torresin məşqçiliyi bərpa etməsi mümkündür.

Qeyd edək ki, Fernando futbolçu karyerası ərzində "Atletiko", "Liverpul", "Çelsi", "Milan" və Yaponiyanın "Saqan Tosu" komandalarında oynayıb. O, 2019-cu ilin iyun ayında futbolçu karyerasını başa vurduğunu açıqlayıb.