Şəhid atasının ilk nuru - VİDEO - FOTO

Tarix: 22 Fevral 2021 12:20

Sonxeber.net Real TV-yə istinadən bildirir ki, 27-dən etibarən cəbhə bölgəsində döyüşən, Füzuli istiqamətində döyüş yoldaşları ilə birgə 2 postu alan qəhrəman atanın qızıdıİlknur dünyaya gəlib. Şəhid uzun müddət övlad həsrəti çəkib. Nəhayət, 5 ildən sonra isə onun qız övladı dünyaya gəlib. Elə atasının arzusu da qız övladı olub.

Ağaqardaş Abbasov ixtisasca Azərbaycan və ədəbiyyat müəllimi olsa da, daha çox hərbə meyilli olub və bu istiqamətdə fəaliyyət göstərib. Beyləqan briqadasında baş leytenant olub. Kapitan rütbəsini almağa hazırlaşırmış.

Yəni, özü müəllimlik fəaliyyəti ilə məşğul olmasa da, qızının müəllimə olmasını istəyib.

Bu gün İlknurun zəruri xərclərini siz vətəndaşlar ödədiniz. Sizin Yaşat Fonduna köçürdüyünüz ianələr hesabına reallaşdı. Bundan sonrakı həyat şəraitinin yaxşılaşdırılmasına da siz vəsilə olacaqsız. Daha dəqiq, İlknurun zəruri xərclərinin qarşılanması üçün 1000 AZN anaya təqdim olunub və dünyaya yeni göz açan körpənin adına 5000 AZN-lik hesab açılıb. Həmin hesaba vəsait Fonda edilən ianələr hesabına toplanmış məbləğdən köçürülür. Həmin məbləğin üzərinə mütəmadi olaraq faiz toplanılacaq və həmin şəhid övladı 16 yaşına çatdıqdan sonra toplanan məbləği özü hesabından çıxara biləcək.

Amma bankla ana arasında bağlanmış müqaviləyə əsasən bəzi zəruri hallarda ana həmin vəsaiti daha tez çıxara biləcək. Həmçinin ana həmin məbləği istənilən valyutaya da dəyişə bilər.

İlknur hələ çox kiçikdir. Amma atasızlıq onu çox tez böyüdəcək. 30 yaşlı xanıma sən hələ də mənim balaca qızımsan deyən atanın qızından daha tez.

Dünyaya xoş gəldin, qəhrəman atanın qızı İlknur...