Aktual mövzular: Dollar alış-satışı, Məzənnə, Neftin qiyməti

Bərdədə 6 aylıq körpəni uşaq xəstəxanasının dəhlizinə atıb gediblər

Bərdədə 6 aylıq körpəni uşaq xəstəxanasının dəhlizinə atıb gediblər

Tarix: 23 Iyul 2019 18:39

Bakı. Trend:

Tərtər sakinləri 6 aylıq körpəni həyat və sağlamlığı üçün təhlükəli vəziyyətdə qoyaraq Bərdə rayon uşaq xəstəxanasının dəhlizinə atıb gediblər.

Bərdə rayon prokurorluğundan Trend-ə bildirilib ki, iyulun 22-də Tərtər rayonu, Şıxlar kənd sakinləri Allahverdi Muradov və həyat yoldaşı Tamara Muradovanın ailə münaqişəsi zəminində valideyn himayəsindən məhrum olunmuş nəvələri 2011-ci il təvəllüdlü İlkin Quliyev (ad, soyad şərtidir) və 6 aylıq körpə Rza Quliyevi (ad, soyad şərtidir) həyat və sağlamlıqları üçün təhlükəli vəziyyətdə qoyaraq Bərdə rayon uşaq xəstəxanasının dəhlizinə atıb getmələri faktı ilə bağlı Bərdə rayon prokurorluğunda Cinayət Məcəlləsinin 143-cü (təhlükədə qoyma) maddəsi ilə cinayət işi başlanaraq istintaqının aparılması rayon polis şöbəsinin İstintaq bölməsinə tapşırılıb.

İş üzrə müvafiq ekspertizalar təyin edilmiş, şahidlər müəyyən edilərək dindirilmiş və digər zəruri prosessual hərəkətlər yerinə yetirilib.

Rayonun hüquq mühafizə orqanları tərəfindən həyata keçirilmiş istintaq-əməliyyat tədbirləri nəticəsində dərhal uşaqların atasının yeri və şəxsiyyəti müəyyənləşdirilərək ataları Sərxan Kərimova təhvil verilib.

Hazırda uşaqların səhhəti normaldır.

Cinayət işi üzrə bütün halların tam və hərtərəfli araşdırılaraq təqsirli şəxslərin dairəsinin tam müəyyənləşdirilməsi və məsuliyyətə cəlb edilmələri istiqamətində zəruri istintaq-əməliyyat tədbirləri davam etdirilir.


Etiketlər:  Bərdədə 6 aylıq körpəni uşaq xəstəxanasının dəhlizinə atıb gediblər


RƏYLƏR



Populyar Xəbərlər

XƏBƏR LENTİ