Aktual mövzular: Dollar alış-satışı, Neftin qiyməti, COP29, Hava proqnozu

Londonda etirazçılara divan tuturlar - 33 nəfər saxlanılıb

Tarix: 21 Mart 2021 11:26

Londonda etiraz aksiyaları zamanı saxlanılanların sayı 33-ə çatıb.

Sonxeber.net APA-ya istinadən bildirir ki, bu barədə Britaniya paytaxtının polisi məlumat yayıb.

"Saat 18:45-ə (Bakı vaxtı ilə saat 22:45) olan məlumata əsasən, 33 nəfər Londonun mərkəzində aksiyaları müşayiət edən asayiş keşikçiləri tərəfindən nəzarət altına alınıb. Saxlanılmaların əksəriyyəti COVID-19 qaydalarının pozulması ilə əlaqədardır", - məlumatda belə deyilir.

Qeyd edək ki, şənbə günü Londonun mərkəzində koronavirus məhdudiyyətlərinə qarşı, eləcə də 33 yaşlı Sara Everardın öldürülməsi ilə əlaqədar etiraz aksiyaları təşkil edilib.

Hayd-Parkda toplaşan etirazçılar şəhərin mərkəzi küçələri boyunca yürüş ediblər, daha sonra isə Uaytholl küçəsində yerləşən hökumət binalarına və Britaniya Parlamentinə doğru hərəkət ediblər.

Whatsapp ilə göndər