Türkiyə millisi Niderlandı məğlub edib

Tarix: 24 Mart 2021 23:02

DÇ-2022-nin seçmə qrup mərhələsinə start verilib.

Sonxeber.net apasport.az-a istinadən bildirir ki, açılış matçı İstanbulda baş tutub.

G qrupunda yer alan Türkiyə yığması əsas rəqibi sayılan Niderlandı Atatürk Olimpiya Stadionunda qəbul edib. Qonaqlar qrupun aşkar favoriti göstərilsə də, Şenol Günəşin yetirmələri ilk matçdaca gücünü göstəriblər. Burak Yılmazın qolları ilə birinci hissədə önə keçən "ay-ulduzlular" fasilədən dərhal sonra fərqi 3 topa çatdırıb.

Düzdür, Frank de Burun kollektivi sonlara yaxın iki dəqiqə ərzində 2 qol vuraraq rəqibi həyəcanlandırsa da, geridönüş edə bilməyib. Burak cərimə zərbəsindən gözəl qolla het-trikə imza atıb. Beləliklə, bol qollu alınan görüşdə qələbə qazanan Türkiyə millisi seçmə mərhələyə 3 xalla start götürüb.

Qeyd edək ki, Türkiyə millisi qrupda növbəti oyununu martın 27-də İspaniyanın Malaqa şəhərində Norveçə qarşı keçirəcək.

DÇ-2022-nin seçmə mərhələsi
24 mart
G qrupu, I tur
Türkiyə - Niderland - 4:2
Burak Yılmaz, 15, 34 (pen.), 81, Hakan Çalhanoğlu, 46 - Klaassen, 75, Luk de Yonq, 76