Qiyamətin əlamətləri göründü - Alimlərdən XƏBƏRDARLIQ - FOTO

Tarix: 27 Mart 2021 19:54

ABŞ-a məxsus Noaa-20 peykinin kamerası tərəfindən qeydə alınan görüntülər tarixi nəticələrə yol açıb. Alimlər dünyanın qiyamətlə üzləşməsinə az qaldığını dilə gətiriblər.

Sonxeber.net redaktor.az-a istinadən xəbər verir ki, 2018-ci ildə Ekvadorun cənubunda qeydə alınan sistemlə bağlı tədqiqatlar yekunlaşıb. Sakit Okeanın qərbində meydana gələn bu tropik fırtınanın istilik dəyəri -111 dərəcə olaraq ölçülüb.

Meteoroloji baxımdan bu məsələ belə izah olunur:

Çox güclü bir hava axını atmosferin ən aşağı təbəqəsinə (troposfer) çatdıqda ümumiyyətlə düzləşir və başqa forma alır. Lakin fırtına çox güclü olduqda, yuxarı hava axını troposferi keçib növbəti qat olan stratosferə çata bilər. 2018-ci ildəki hadisədə buludun zirvəsi 20,5 kilometr yüksəklikdə idi.

Oksford Universitetinin əməkdaşı Simon Proud BBC-yə açıqlamasında bu duruma "overshooting top" adı verildiyini, buludun uc nöqtəsinin Tropopoz qatını aşdıqdan sonra hər kilometrdə 7 dərəcə soyuduğunu bildirib. Proud 2018-ci ildəki olayda Tropopozu aşan buludun 13-14 dərəcə daha soyuq olduğunu qeyd edib.

Müşahidə ilə bağlı araşdırmanı dərc edən Viskonsin-Madison Universitetinin meteoroloqları bu qeyri-adi vəziyyətə bəzi əlavə amillərin təsir etdiyini düşünürlər.

Mütəxəssislər bunun bir səbəbi olaraq fırtınanın baş verdiyi bölgədəki okean suyunun çox isti olduğunu ön plana çıxarırlar. Bundan əlavə, "Madden-Julian Oscillation" adlı hava fenomeninin də təsirinin olduğu güman edilir.

"Madden-Julian Oscillation" yağışlı və quru havaya təsir edən, şərqə istiqamətlənən regional küləklərə deyilir. Bu müşahidə eyni zamanda belə soyuq fırtınaların sayının artdığını da göstərir.