Aktual mövzular: Dollar alış-satışı, Məzənnə, Neftin qiyməti

Lənkəranda oyuncaq tapançalı “polis” saxlanıldı - FOTO

Tarix: 6 Aprel 2021 19:00

Lənkəran rayonunun Göyşaban kənd sakini Elsevər Cəfərzadə idarə etdiyi "Mercedes" markalı avtomobillə rayon ərazisində saxlanılaraq Lənkəran polis bölməsinə gətirilib.

DİN Mətbuat Xidmətinin Lənkəran regional qrupundan Milli.Az-a verilən məlumata görə, onun əynində arxa hissəsinə iri şriftlərlə "Polis" sözü yazılmış gödəkçə, sifətində üzərində "polis" sözü yazılmış qoruyucu maska, kəmərində antenalı olmaqla xüsusi vasitə olan əl radiostansiyasını xatırladan mobil telefon aşkarlanıb. İdarə etdiyi avtomobildən isə polis əməkdaşının fərqlənmə nişanı olan şevronlar, polis baş serjantı paqonları, bir ədəd qara kaburun içində oyuncaq tapança və 1 ədəd qara rəngli maska aşkar edilib.

Faktla bağlı araşdırma aparılır.

Milli.Az