Aktual mövzular: Dollar alış-satışı, Neftin qiyməti, COP29, Hava proqnozu

Gürcüstandan gələn maşında siqaret və spirtli içkilər aşkarlandı

Gürcüstandan gələn maşında siqaret və spirtli içkilər aşkarlandı

Tarix: 31 Iyul 2019 15:36

Bakı. Trend:

Qərb Ərazi Baş Gömrük İdarəsinin Əməliyyat və Təhqiqat İdarəsinə daxil olan məlumat əsasında "Qırmızı Körpü" gömrük postunda Gürcüstandan gələn, Azərbaycan Respublikası vətəndaşının idarə etdiyi "Mercedes Benz" markalı avtomobil saxlanılıb və sürücüsü şifahi sorğu-sual olunub.

Dövlət Gömrük Komitəsindən Trend-ə verilən məlumata görə, sorğu-sual zamanı vətəndaş idarə etdiyi nəqliyyat vasitəsində gizlədilən və gömrük nəzarətinə mütləq bəyan edilməli hər hansı predmetin olmadığını bildirib.

Daha sonra avtomobilə "Nike" ləqəbli kinoloji xidmət itinin tətbiqi ilə keçirilən gömrük baxışı zamanı avtomobilin oturacaqlarının altında və yük yerində üzərində "Marlboro" yazılan 3000 ədəd siqaret və hər biri 1 litr olmaqla, 17 ədəd üzərində "Nemirovskaya" yazılan spirtli içkilər aşkarlanıb.

Faktla bağlı araşdırma aparılır.

Trend-in ən mühüm və maraqlı xəbərlərini "Telegram"da izləyin


Etiketlər:  Gürcüstandan gələn maşında siqaret spirtli içkilər aşkarlandı


RƏYLƏR



Populyar Xəbərlər

XƏBƏR LENTİ