Aktual mövzular: Dollar alış-satışı, Neftin qiyməti, COP29, Hava proqnozu

Macarıstanda daxili turizm daha populyardır

Tarix: 28 May 2021 19:26

Macarıstanın Otellər Assosiasiyası tərəfindən bu günlərdə aparılan ictimai rəy sorğusu macar cəmiyyətinin bundan əvvəl üstünlük verdikləri dəyərləri təsdiqləyib.

Sonxeber.net AZƏRTAC-a istinadən bildirir ki, ötən illərdə olduğu kimi bu ölkədən olan istirahət edənlər arasında daxili turizm bu il də çox populyardır. Sorğu göstərib ki, məzuniyyəti evdə keçirmək istəməyən macarların yarısından çoxu məhdudiyyətlərin ləğvindən sonra ölkədən kənara çıxmayacaq və Macarıstanda yerləşən otellərdə istirahət edəcək. Ötən il pandemiya ilə bağlı risklər səbəbindən hər ikinci respondent xarici ölkədə istirahət əvəzinə daxili turizmi seçmək qərarı verib. Görünür, bu meyil bu il də dəyişməyəcək. Koronavirus böhranı ilə bağlı məhdudiyyətlər götürüldükdən sonra bu göstərici 60 faiz artıb. Onların yarısı məzuniyyətini Balaton gölü ətrafında, 20 faizi isə termal su kurortlarında keçirməyi planlaşdırır.

Whatsapp ilə göndər