İnsanlar yarasalar kimi eşitmə qabiliyyətini artıra bilər

Tarix: 27 Iyun 2021 23:52

Britaniya tədqiqatçıları həm görmə qabiliyyətini itirmiş, həm də görmə qabiliyyəti olan insanları ekolokasiya öyrədib. Bunu, insan bacarığından asılı olmayaraq tez bir zamanda mənimsəmək mümkündür və görmə qabiliyyətini itirmiş insanlar üçün bu bacarıq onların rifahının yaxşılaşdırılmasına və hərəkətliliyinin artırılmasına kömək edir.

Daremsk Universitetinin alimləri, görmə qabiliyyətini itirmiş insanlarda ekolokasiyanın öyrənilməsi ilə oriyentasiya bacarıqlarını inkişaf etdirə biləcəyini göstərən amilləri təhlil edib. Ekolokasiya - bir obyektin mövqeyini ondan əks olunan səs dalğalarının gecikmə tezliyinə uyğun olaraq təyin etmək - heyvanlar aləmində geniş istifadə olunur. Yarasalar və digər heyvanlar bu qabiliyyətdən istifadə edir. Biz özləri səs dalğalarının mənbəyi olan heyvanlardan fərqli olaraq, əli bir-birinə vurmaq kimi əllə səs etmək və ya əlil çubuğunu yerə vuraraq səs yaratmaqla ekolokasiyadan istifadəni deyirik. Onlardan gələn əks-səda obyektə olan məsafəni təyin etməyə imkan verir. Britaniya alimlərinin araşdırmasında, görmə qabiliyyəti olan 14 nəfər və görmə qabiliyyəti olmayan 12 nəfərin iştirakı ilə 21 ilə 79 yaş arasında 26 nəfər insan iştirak edib. Yalnız on həftə ərzində 20 təlim sessiyası keçirilib. Araşdırmaya qatılan insanların dediklərinə görə, ekolokasiyanı öyrənmək onların hərəkətliliyinə, müstəqilliyinə və rifahına müsbət təsir göstərib. Alimlər tədqiqatın nisbətən kiçik nümunə üzərində aparıldığını və buna görə, onun, ekolokasiyanın faydalarının tam olaraq sübutu kimi qəbul edilməməsini bildirib. Elmi qrupunun gələcək planları, təlimlərin iştirakçıların beyninə necə təsir etdiyini öyrənməkdir.