Məşhur filmlər Azərbaycanda çəkiləcək - “Netflix”lə əməkdaşlığımız başladı - VİDEO

Tarix: 29 Iyun 2021 12:00

Azərbaycanda film sənayesinin inkişaf etdirilməsi üçün ciddi addımlar atılır. Artıq Mədəniyyət Nazirliyi ölkəmizdə məşhur filmlərin çəkilməsi üçün ''Netflix'' ilə əməkdaşlığa başlayıb. Həmçinin Nazirlik ölkənin audiovizual sektorunun potensialından səmərəli istifadə etmək üçün azərbaycan film komissiyası da yaradıb. 

Sonxeber.net xezerxeber.az-a istinadən bildirir ki, gələcəkdə Azərbaycanda dünyaca məşhur filmlər çəkilə bilər. Artıq bu istiqamətdə Mədəniyyət Nazirliyi məşhur film platforması olan ''Netflix'' ilə əməkdaşlığa başlayıb. Bunu mədəniyyət naziri Anar Kərimov Azərbaycan Film Komissiyasının yaradılması münasibətilə keçirilən tədbirdə deyib. Nazir yeni komissiyanın da məhz bu səbəbdən qurulduğunu bildirib.

Nazir bildirib ki, təkcə ''Netflix'' deyil, digər kinostudiyalarla da əməkdaşlığa başlanıb.

Qeyd edək ki, "Filming Azerbaijan" Azərbaycan Film Komissiyası Mədəniyyət Nazirliyi tərəfindən ölkədə film çəkilişlərinə dəstək və təşviq məqsədilə qurulub. Qurumun missiyası ölkənin audiovizual sektorunun potensialından səmərəli istifadə etməkdir.