Suya qənaət etməliyik - VİDEO

Tarix: 1 Iyul 2021 11:40

Bakı və Abşeron Yarımadasının su təminatı 60% artirilib

Sonxeber.net Real TV-ə istinadən bildirir ki, həyatın yaranması və formalaşmasında su həlledici rol oynayır. Əsasən şirin su problemi bu gün dünyada aktual sosial iqtisadi problemə çevrilib və onun həlli yolları istənilən səviyyədə deyil. İçməli su problemi ölkəmizdən də yan keçməyib. Xüsusən də yay mövsümünün gəlişi ilə əlaqədar içməli suya tələbat birə beş artıb. Bu il isə anomal istilərlə əlaqədar bu tələbat əsasən paytaxt və Abşeron yarımadası, o cümlədən Aran rayonları ərazisində daha çox nəzərə çarpır. "AZƏRSU" ASC-nin texniki istehsalat departamentinin rəisi Aydın Abbasov bildirir ki, mart ayından indiyədək əhalinin su təminatı 60% artırılıb.

Aydın Abbsov bildirdi ki, bəzi hallarda Bakıətrafı ərazilərdə suötürücü xətlərə qanunsuz müdaxilələr olur. Bu da paytaxtda və Abşeron yarımadasına fasiləsiz suyun təminatında problemlərə yol açır.

Müsahibim həmçinin qeyd etdi ki, suötürücü xətlərə qanunsuz müdaxilələr həm də su xətlərində qəzalara səbəb olur. Həmin xətlərin təmiri məqsədilə də suyu verilişi məcburən dayandırılır ki, bu da əhalinin narazılığına gətirib çıxarır. Aydın Abbasovun sözlərinə görə bu çərçivədə vətəndaş məsuliyəti və ictimai qınaq da mühüm rol oynamalıdır.