Aktual mövzular: Dollar alış-satışı, Neftin qiyməti, COP29, Hava proqnozu

Hindistanda torpaq sürüşməsi: 40 nəfər torpaq altında qalıb

Tarix: 11 Avqust 2021 16:50

Hindistanın şimalında torpaq sürüşməsi nəticəsində iki nəfər ölüb, itkinlər var.

Sonxeber.net APA-ya istinadən bildirir ki, Himaçal Pradeş ştatında baş verən torpaq sürüşməsi nəticəsində 40-dan çox adam torpaq altında qalıb.

Yerli rəsmi bildirib ki, torpaq sürüşməsi nəticəsində magistral yol və yoldan keçən bir neçə nəqliyyat vasitəsi torpaq altında qalıb. Bu nəqliyyat vasitələri arasında içində 40-a qədər sərnişinin olduğu avtobus da var.

Bildirilib ki, indiyə qədər aparılan axtarış və xilasetmə işləri nəticəsində iki nəfərin cəsədi çıxarılıb, 10 nəfər xilas edilib. Xilas edilənlər arasında avtobusun sürücüsü və konduktoru da var.

Whatsapp ilə göndər