Aktual mövzular: Dollar alış-satışı, Neftin qiyməti, COP29, Hava proqnozu

Aparıcı ilə Günay qalmaqalına son qoyuldu - FOTO

Tarix: 14 Sentyabr 2021 20:30

Aparıcı Afaq Gəncəli ilə müğənni Günay İbrahimli arasındakı bir neçə ildir davam edən küsülülük bitib.

Sonxeber.net axşam.az-a istinadən xəbər verir ki, məşhurlar məkanların birində dostları vasitəsilə bir araya gəliblər.

Günay və Afaq barışdıqlarını birlikdə çəkdirdikləri foto ilə nümayiş etdiriblər.

Qeyd edək ki, müğənni ilə aparıcı arasındakı küsülülüyə A.Gəncəlinin müsahibələrindən birində verdiyi açıqlama səbəb olmuşdu. Afaq "ATV maqazin onlarla" verilişində Günay haqda "Günay elə bil sönüb. Bir çoxları deyir başı sevgiyə qarışıb. Amma mən onun adını sevgi qoymazdım. Depressiyadadır. Əgər qadın tez-tez öz imicini, görünüşünü, saç rəngini dəyişirsə, demək ki, xoşbəxtlik tam deyil. Bu gün sarı saçdadır, sabah qara. Bu gün bir imicdədir, o biri gün başqa" sözlərini söyləmişdi. Qarşı tərəf də buna əsəbiləşmiş və ikili arasında mübahisə yaşanmışdı.