Aktual mövzular: Dollar alış-satışı, Neftin qiyməti, COP29, Hava proqnozu

Toppuş bacı şikayətləndi: Xəstələnəndən sonra heç kim məni toya çağırmadı

Toppuş bacı şikayətləndi: Xəstələnəndən sonra heç kim məni toya çağırmadı

Tarix: 20 Sentyabr 2021 16:05

"Hazırda kimyaterapiya alıram. 12 kimyaterapiyam var. Əslində ilk vaxtlar həkim 6-sını edəcəyini demişdi. Amma orqanizmim zəifdir, bədənim qəbul etmir. Buna görə də yarıya böldülər. Bilirsiniz ki, sümüyümdə və ağciyərimdə yenidən törəmələr yarandı. Buna görə də müalicəyə yenidən başladıq. Bilmirəm, nəticə necə olacaq. Amma buna da qalib gələcəyimi düşünürəm".

Sonxeber.net xəbər verir ki, bu sözləri axşam.az-a açıqlamasında Əməkdar artist Tünzalə Əliyeva deyib. Xərçəngdən əziyyət çəkən aktrisa hazırda müalicələrinin davam etdiyini söyləyib.

"Toppuş bacı" bildirib ki, yeni mövsümdə ARB TV ilə işbirliyini davam etdirəcək:

"Aparıcılığım davam edəcək, ya yox bilmirəm. Amma "Baldız" serialında rol alıram. bir də Dilarə Əliyevanın "Söhbət var" proqramında çıxış edirəm. İndi məzuniyyətdəyəm, oktyabrın 1-də işə çıxacam".

Bir vaxtlar xına evi açıb, özünə biznes quran Tünzalə bu işinin bağlandığını açıqlayıb:

"Xəstələnəndən sonra heç kim məni toya çağırmadı. Üç ildə cəmi iki-üç dəfə xınaya dəvət almışam. Xına evimi qəsdən bağlamadım, heç yerə çağrılmadım deyə bitdi. Layiq bilərlərsə, yenidən dəvət edərlər və işimi quraram".


Etiketlər:  Toppuş bacı şikayətləndi Xəstələnəndən sonra heç məni toya çağırmadı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ