Vətən sevgisi ilə yaşayan Şəhidimiz - FOTO

Tarix: 8 Oktyabr 2021 12:58

Şəhid Seyfullayev Araz Elsevər oğlu 28 may 2001-ci il tarixdə Masallı rayonu Digah qəsəbəsində anadan olub.

Milli.Az bildirir ki, 2007-ci ildə Masallı rayonu Digah 4 saylı orta məktəbinin 1-ci sinifinə getmiş 2018-ci ildə həmin məktəbi bitirmişdir.

2019-cu ildə həqiqi hərbi xidmətə çağrılmış, hərbi xidməti xüsusi təyinatlı qüvvələrdə xidmət etmişdir.

4 oktyabr 2020-ci il tarixdə Fizuli Cəbrayıl istiqamətində gedən döyüşlərdə qəhrəmancasına şəhid olmuşdur.

8 oktyabr 2020-ci il tarixdə Masallı rayonu, Digah qəsəbəsində  torpağa  əmanət  edilmişdir.

Azərbaycan Prezidenti İlham Əliyevin Sərəncamına əsasən Araz Seyfullayev ölümündən sonra "Vətən uğrunda, Sücaətə görə, Cəsur döyüşçü və Füzulinin azad olunmasına görə" medalları ilə təltif edilmişdir.

Şəhdimizin anası Günay Seyfullayeva deyir ki, Araz  XTQ-yə seçiləndə biz təkid elədik ki, sənin üçün çətin olacaq, Araz isə fikrində qəti idi. Onu çox sorğu-suala tutsaq da, "narahat olmayın, hər şey əladır" deyərdi. Araz hər zaman Vətən sevgisi ilə yaşayıb və torpaqlarımızın işğaldan azad edilməsi onun ən böyük arzularından bir  olub. Ona görə də Araz hərbi xidmətdə olduğu dövrdə ancaq döyüş bölgəsində xidmət etmək istəyirdi.

Şəhidin kiçik qardaşı Murad bir neçə aydır ki, daxili qoşunlarda hərbi  xidmətdədir.

Qalib əsgər kimi Vətənə xidmət edən Murad şəhid qardaşı Arazın işğaldan azad etdiyi torpaqları göz bəbəyi kimi qoruyacağına söz verib.

Milli.Az