Lavrov Mirzoyana delimitasiyanin vacibliyini bildirdi

Tarix: 8 Dekabr 2021 23:09

Rusiyanın xarici işlər naziri Sergey Lavrov Ermənistanın xarici işlər naziri Ararat Mirzoyanla telefon danışığı olub.

Sonxeber.net "qafqazinfo"-ya istinadən xəbər verir ki, bu barədə Rusiya Xarici İşlər Nazirliyi məlumat yayıb.

S.Lavrov telefon danışığı zamanı Ermənistan-Azərbaycan sərhədinin delimitasiyası üzrə işlərə tez bir zamanda başlamağın vacibliyi vurğulayıb.

Həmçinin ikitərəfli, regional və beynəlxalq gündəliyin aktual məsələlərini müzakirə edilib.

Azərbaycan, Ermənistan və Rusiya liderlərinin 26 noyabr 2021-ci il tarixli Soçi razılaşmalarının icrasına xüsusi diqqət yetirilib.

Rusiya XİN-nin məlumatına görə, Lavrov həmçinin Azərbaycan, Ermənistan və Baş nazir müavinlərinin həmsədrlik etdiyi nəqliyyat və iqtisadi əlaqələrin bloklanması üzrə üçtərəfli işçi qrupu çərçivəsində razılaşmaların praktiki müstəviyə çevrilməsinin vacibliyini qeyd edib.