Aktual mövzular: Dollar alış-satışı, Neftin qiyməti, COP29, Hava proqnozu

Bu ölkədə yeni nəsil heç vaxt siqaret ala bilməyəcək

Tarix: 10 Dekabr 2021 21:22

Yeni Zelandiya hökuməti gələcək nəslin siqaret çəkməməsi üçün çox mühüm addım atıb.

Milli.Az "qafqazinfo"-ya istinadən xəbər verir ki, yeni qanuna əsasən, yaşı 14-dən az olanlar həyatlarının heç bir vaxtında tütün məmulatı ala bilməyəcəklər.

Məlumata görə, yeni plana əsasən, tütün məmulatlarındakı nikotinin miqdarı da azaldılacaq.

Ölkənin səhiyyə nazirinin müavini Dr. Ayeşanın sözlərinə görə, bu qanun siqaretsiz Yeni Zelandiya nəsli yaratmağa hesablanıb. Bunun üçün qanuni siqaret çəkmə yaşı hər il artırılacaq.

"Bu gün xalqımızın sağlamlığı üçün tarixi bir gündür. Biz gənclərin heç vaxt siqaretə başlamamasını təmin etmək istəyirik. Ona görə də biz onlara tütün məmulatı satmağı və ya tədarük etməyi cinayət hesab edəcəyik", - deyə nazir müavini qeyd edib.

Milli.Az

Whatsapp ilə göndər