Aktual mövzular: Dollar alış-satışı, Neftin qiyməti, COP29, Hava proqnozu

Antibakterial sabun qadağan olunub

Tarix: 14 Dekabr 2021 21:15

ABŞ-da antibakterial sabun və duş gellərinin satışı dayandırılıb. CNN xəbər verir ki, ABŞ-ın Qida məhsulları və dərman preparatlarına nəzarət edən İdarə (FDA) bu haqda xüsusi əmr verib.

İdarə öz qərarını onunla izah edib ki, bu məhsulların tərkibində sağlamlıq üçün ziyanlı maddələr var. Söhbət xüsusilə triklozan və triklokarban adlı maddələrdən gedir.

İdarənin ekspertlərinin fikrinə görə, antibakterial vasitələr adi sabundan daha effektli deyil və həmçinin insan sağlamlığına ziyan vura bilər.

Belə ki, Amerika alimlərinin yeni araşdırmalarına əsasən triklozanın uzun müddət ərzində təsiri qaraciyərin fibrozunun və xərçəngin inkişafına gətirib çıxarda bilər.

Bundan əlavə triklozanın daim istifadəsi dərman preparatlarına davamlı olan bakteriyaların yayılmasına səbəb ola bilər.

Whatsapp ilə göndər