Burun əti kəsdirilməzsə nə kimi problemlər olar?

Tarix: 25 Dekabr 2021 23:36

Böyümüş burun əti (adenoid) ilk öncə burun tənəffüsünü pozur və bunun da nəticəsində beyin lazımı oksigeni ala bilmir. Nəticədə bu uşaqlarda zehni inkişaf, yuxu və nitq pozğunluğuna və s. səbəb olur.

Bundan əlavə böyümüş adenoid qulaq iltihabı və eşitmə zəifliyi yaradır. Eşitmə zəifləməsi bəzən ana-ataların hiss edəməyəcəyi səviyyədə də ola bilir. Ən çox da xəstəni həkimə götürən elə bu səbəbdir.

Adenoid eyni zamanda çənə və üz sümüklərının inkişaf pozğunluğuna, burun axıntısı səbəbi ilə boğaz iltihabı və öskürək yaranmasına gətirib çıxarır. Həmçinin şaş ağrısı, sinusit və s. xəstəliklərin yaranmasına səbəb olur.

Əgər adenoid ciddi problem yaradırsa mütləq əməliyyat olunmalıdır.

Lor cərrah Cavid İsmayılov