Kürdəmirdə mal-qaraları otarmağa otlaq sahəsi yoxdur - VİDEO

Tarix: 5 Yanvar 2022 15:08

Kürdəmir rayonunun Garısəyribənd kəndində mal-qaraları otarmağa otlaq sahəsi yoxdur.

Sonxeber.net Xəzər TV-yə istinadən xəbər verir ki, çarəsiz qalan kənd sakinləri heyvanlarını tövlədə saxlamalı olurlar.

Garısəyribənd kəndində əhalinin böyük əksəyiyyəti təsərrüfatla məşğuldur. Amma buna baxmayaraq sakinlər mal-qarasını otarmaq üçün yer olmadığından şikayət edir. Onların sözlərinə görə, heyvanlarının otarılması üçün demək olar ki, örüş sahəsi yoxdur.  Kənd sakinləri iddia edir ki, əhaliyə məxsus olan otlaq və örüş başqa şəxslərə verilib. İndi kəndlilər hər bir ailəyə 2-3 hektar bələdiyyə torpağından verilməsini istəyirlər.

Kəndlilər hətta icrası həyata keçirilməyən məhkəmə qərarının da olduğunu deyirlər.

Bununla bağlı Karrar kənd bələdiyyəsində  olduq. Bələdiyyə sədri Sahib Cəfərov "Xəzər Xəbər"ə bildirdi ki, sakinlərin otlaq sahələri haqqında iddiaları haqlıdır. Həmin kəndə məxsus ümumilikdə 200 hektar örüş sahəsi 2003-cü ildə bələdiyyənin qərarı ilə müqavilə əsasında bir sahibkara verilib. Artıq həmin torpaqların geri qaytrılması ilə bağlı addımlar atılır.

Bələdiyə sədri bildirib ki, yanvar ayında Kürdəmir Rayon Məhkəməsi işə təkrar baxacaq.

Mövzu ilə bağlı daha ətraflı videomaterialı təqdim edirik: