İki gündür işığı yanmayan məktəblə bağlı yeni xəbər - VİDEO

Tarix: 7 Yanvar 2022 18:08

Bakıda 167 nömrəli tam orta məktəbdə iki gündür ki, işıqlar yanmır.

Sonxeber.net Xəzər TV-yə istinadən xəbər verir ki, valideynlər Bakının Yasamal rayonunda yerləşən bu məktəbdə iki gündür ki, işıqların yanmadığını bildirirlər.

Şagirdlər elektirik olmadığından dərs prosesi zamanı çətinlik çəkdiklərini deyirlər.

Məktəb rəhbərliyinə müraciət etsək də, problemlə bağlı heç bir açıqlama vermədilər.

Bakı Şəhəri üzrə Təhsil İdarəsinin İctimaiyyətlə əlaqələr sektorunun müdiri Bəşarət Məmmədov şifahi olaraq "Xəzər Xəbər" ə bildirdi ki, 167 nömrəli tam orta məktəbin yaxınlığındakı küçədə elektrik xətlərində qəza baş verib.

"Məktəbin daxili elektrik şəbəkəsində hər hansı problem yoxdur. 167 nömrəli tam orta məktəbin elektrik enerjisi ilə təchizatında yaranmış fasilə ilə bağlı aidiyyəti üzrə müvafiq qurumlara müraciət olunub. Məsələnin qısa zamanda həll edilməsi üçün aidiyyəti qurumlar tərəfindən zəruri tədbirlər həyata keçirilir. Məktəbdə tədris prosesi davam edir, davamiyyət normaldır",- deyə açıqlamada qeyd olunub.

"Azərişıq" ASC-dən isə bildirildi ki, nasazlıq olan həmin xətt bu qurum yox, məktəbin balansındadır.

"Bununla belə, "Azərişıq" əməkdaşları artıq ərazidə işə başlayıblar. Qısa vaxt ərzində qəza aradan qaldırılacaq",- deyə məlumatda qeyd olunub.

Mövzu ilə bağlı daha ətraflı videomaterialı təqdim edirik: