Aktual mövzular: Dollar alış-satışı, Neftin qiyməti, COP29, Hava proqnozu

Çin olimpiya atəşkəsinə əməl etməyə çağırıb

Çin olimpiya atəşkəsinə əməl etməyə çağırıb

Tarix: 26 Yanvar 2022 22:32

Çin dünya ölkələrini olimpiya atəşkəsinə riayət etməyə çağırıb.

Sonxeber.net AZƏRTAC-a istinadən bildirir ki, bu barədə çağırış edən Çin Xalq Respublikasının BMT yanında daimi nümayəndəsi Çjan Tszyun bir ay əvvəl 173 dövlətin Pekin Qış Olimpiya Oyunlarının keçiriləcəyi dövrdə olimpiya atəşkəsinə dair BMT-nin qətnaməsini dəstəklədiyini xatırladıb.

O qeyd edib ki, Çin bütün dünya ictimaiyyətini olimpiya atəşkəsi ənənəsinə əməl etməyə və BMT Baş Assambleyasının qətnaməsinə hörmətlə yanaşmağa çağırır. Olimpiadadan istənilən münaqişə tərəfləri arasında dialoqa başlamaq və qarşıdurmadan çəkinmək üçün istifadə edilməlidir.

Qədin Yunanıstanda Olimpiada zamanı bütün hərbi əməliyyatlar qadağan olunmuşdu. 1993-cü ildə BMT tarixi olimpiya atəşkəsi ənənəsini yenidən bərpa edib.

Xatırladaq ki, Pekin-2022 Qış Olimpiya Oyunları fevralın 4-dən 20-dək keçiriləcək.


Etiketlər:  Çin olimpiya atəşkəsinə əməl etməyə çağırıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ