Aktual mövzular: Dollar alış-satışı, Neftin qiyməti, COP29, Hava proqnozu

ABŞ Ukraynaya 350 milyon dollarlıq hərbi yardım ayırdı

ABŞ Ukraynaya 350 milyon dollarlıq hərbi yardım ayırdı

Tarix: 26 Fevral 2022 20:08

ABŞ Dövlət katibi Entoni Blinken Pentaqona Ukrayna Silahlı Qüvvələrinə 350 milyon dollarlıq hərbi yardım etməsini tapşırıb.

Sonxeber.net "qafqazinfo"-ya istinadən xəbər verir ki, bu barədə Blinken yazılı açıqlama yayıb.

"Ukrayna suveren, demokratik və sülhsevər bir millətdir. ABŞ Ukrayna ilə 30 ildir tərəfdaşdır. Rusiya 2014-cü ildə Krımı ilhaq edəndən sonra ABŞ Ukraynaya müdafiə yardımlarını artırıb.

Bu gün Ukrayna Rusiyanın qəddar və lazımsız hücumlarına qarşı cəsarət və şərəfi ilə mübarizə apararkən, mən də Prezident Baydenin verdiyi səlahiyyətlə Pentaqonu Ukraynaya 350 milyon dollarlıq təcili müdafiə yardımı göstərilməsi üçün təlimatlandırdım", - Blinken vurğulayıb.

Dövlət katibi əlavə edib ki, bu yardımla ABŞ-ın son bir il içində Ukraynaya köməyi 1 milyard dolları ötəcək:

"Bu paket Ukraynanın indi qarşılaşdığı silahlı hücum, hava hücumu və digər təhdidlərlə mübarizə aparması üçün ölümcül müdafiə yardımını ehtiva edəcək".


Etiketlər:  ABŞ Ukraynaya milyon dollarlıq hərbi yardım ayırdı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ