Kuleba danışıqları davam etdirmək üçün şərtini açıqladı

Tarix: 10 Mart 2022 15:14

Nazir vurğulayıb ki, Ukrayna sülh üçün, vətəndaşların həyatını xilas etmək üçün hər şeyi edəcək, çünki insan həyatı onun əsas dəyəridir.

Ukraynanın Xarici işlər naziri Dmitri Kuleba Rusiya tərəfinin klişelərsiz ciddi və məzmunlu söhbətə hazır olacağı təqdirdə Rusiyanın xarici işlər naziri Sergey Lavrovla bugünkü danışıqlar formatını davam etdirməyə hazır olduğunu bildirib.

O, bu barədə danışıqların yekunlarına dair mətbuat konfransı zamanı bildirib.

"Ümid edirəm ki, bu gün baş tutan format davam edəcək. Əgər Rusiya tərəfi Ukrayna ilə bağlı geniş yayılmış təbliğat klişelərinin və rəvayətlərinin təkrarına deyil, ciddi substantiv müzakirəyə hazır olsa, mən buna hazıram", - nazir deyib.

O vurğulayıb ki, Ukraynaya bu gün lazım olan hər şey klişesiz ciddi və məzmunlu söhbətdir.

"Rusiya tərəfi belə bir söhbətə hazır olduqda, mən də onu davam etdirməyə hazır olacağam. Biz sülh üçün, vətəndaşlarımızın həyatını xilas etmək üçün hər şeyi edəcəyik, çünki insan həyatı bizim əsas dəyərimizdir", - Kuleba vurğulayıb.

Xəbər veriildiyi kimi, martın 10-da Türkiyədə Ukraynanın, Türkiyənin və Rusiyanın xarici işlər nazirləri arasında danışıqlar aparılıb.

Aslan Məmmədov
Milli.Az