Aktual mövzular: Dollar alış-satışı, Məzənnə, Neftin qiyməti

Rusiya Ukraynada özgə bayrağı altında bioloji silah da işlədə bilər... - Britaniya MN

Tarix: 15 Mart 2022 10:26

Rusiya, çox güman ki, saxta bayraq altında kimyəvi və ya bioloji silahlardan yararlanmaqla hücum planlaşdırır.

Milli.Az moderator.az-a istinadən xəbər verir ki, bu məlumat Britaniya Müdafiə Nazirliyi "Twitter"-ində yayılıb. Məlumatda deyilir:

"Ukraynanın kimyəvi və bioloji silahlardan istifadə etmək niyyətində olması ilə bağlı Rusiyanın ittihamları davam edir. Biz bu ittihamları təsdiq edəcək heç bir dəlil görmədik.

Rusiya saxta bayraq əməliyyatında kimyəvi və ya bioloji silahlardan istifadə etməyi planlaşdıra bilər. Belə bir əməliyyat saxta hücum, mərhələli "agentlərin və ya döyüş sursatlarının aşkarlanması və ya Ukraynanın guya bu cür silahlardan istifadə etməyi planlaşdırdığına dair uydurma sübutlar" şəklində ola bilər. Yalançı bayraq altında hücum, demək olar ki, müəllifliyi müəyyənləşdirməyi çətinləşdirən çoxlu dezinformasiyalarla müşayiət olunacaq".

Bundan əlavə, kəşfiyyat Rusiyanın 24 fevralda Ukraynanı işğalına haqq qazandırmaq üçün saxta bayraq altıdan keçiriləcək əməliyyatlardan istifadə edəcəyini ehtimal edir.

Bir müddət əvvəl NATO Rusiyanın Ukraynada kimyəvi hücum planlaşdıra biləcəyini söyləyib.

Milli.Az

Whatsapp ilə göndər