Zelenski Putinlə Krım və Donbası müzakirə etməyə hazırdır

Tarix: 22 Mart 2022 09:54

Ukrayna Prezidenti Volodimir Zelenski Rusiya rəhbəri Vladimir Putinlə nə barədə danışmağa hazır olduğunu bildirib.

Sonxeber.net report-a istinadən xəbər verir ki, Zelenski işğal olunmuş Krımın və Donbasın Ukraynanın nəzarəti altına qaytarılması məsələsini "hamı üçün çətin tarix" adlandırıb. Dövlət başçısı qeyd edib ki, Putinlə Krım və Donbası müzakirə etməyə hazırdır.

"Və orada hansısa çıxış yolu tapmaq üçün siz bu ilk addımı atmalısınız: təhlükəsizlik zəmanətləri, müharibənin sonu. Çünki hər şey qaynardır. Və bu mərhələ bitəcək, ondan sonra danışaq. Rusiya Prezidenti ilə ilk görüşdə mən bu məsələləri qaldırmağa hazıram - işğal olunmuş ərazilərlə bağlı, onlar aktualdır, bizim üçün vacibdir", - Zelenski diqqətə çatdırıb.

"Əminəm ki, görüşdə bu qərar verilməyəcək. Çünki, tam səmimi desək, təhlükəsizlik təminatları məsələlərində konstitusiya dəyişikliklərindən də danışacağıq", - Ukrayna lideri əlavə edib.

O, həmçinin bildirib ki, Putinlə hazırda görüş olacağı təqdirdə heç bir çağırışlar və tarixi çıxışlar olmayacaq.

"Mən onunla dövlətimizin gələcək risklərinə yer qoymadan bütün məsələləri ətraflı müzakirə edəcəm. Rusiya Federasiyasını çaşdıran və narazı salan hər şeydən keçməyə çalışacağam və Ukrayna xalqının düşündüyü hər şeyi ətraflı deyəcəm. İmkanım və Rusiyanın istəyi olsa, biz bütün məsələləri həll edəcəyik. Hamısını həll edəcəyikmi? Yox. Amma heç olmasa müharibəni dayandırmaq şansımız var. Qərar olmadan bu mümkün deyil", - Ukrayna lideri bildirib.

"Putin bizi məhv etməklə özünü məhv edir", - Zelenski fikirlərini reallaşdırıb.