Rusiyadan qorunmaq üçün gündə 500 "Javelin" və "Stinger" lazımdır - Ukrayna ABŞ-a müraciət etdi

Tarix: 25 Mart 2022 10:18

Ukrayna son bir neçə gündə ABŞ hökumətindən arzu olunan əlavə hərbi yardım siyahısını yeniləyib, əvvəllər tələb olunduğundan yüzlərlə zenit və tank əleyhinə raketlər əlavə edib.

Milli.Az UNİAN-a istinadən bildirir ki, bu barədə CNN tərəfindən təqdim edilən və tələb olunan maddələrin təfərrüatlı olduğu sənəddə deyilir.

Ukraynalılar son həftələrdə oxşar siyahılar təqdim ediblər, lakin ABŞ qanunvericilərinə edilən son sorğu, ABŞ istehsalı olan "Stinger" zenit raketlərinə və ABŞ istehsalı olan "Javelin" tank əleyhinə raketlərinə artan ehtiyacı əks etdirir - Ukrayna təcili olaraq hər birindən gündəlik 500-ə ehtiyac duyduğunu bildirib", - məlumatda deyilir.

Hər iki müraciətlə tanış olan mənbənin sözlərinə görə, hər iki halda Ukrayna ABŞ qanunvericilərinə bu yaxınlarda təqdim edilən oxşar siyahıya daxil ediləndən yüzlərlə çox raket tələb edir.

Yeni siyahı ukraynalıların Rusiyanın davam edən hücumu fonunda potensial silah çatışmazlığı ilə üzləşə biləcəklərini söylədikdən sonra ABŞ və NATO rəsmilərinin bəzi etirazlarına səbəb olub, onlar artıq ölkəyə daha çox hərbi yardımın daxil olduğunu vurğulayırlar.

Martın 7-də, Rusiyanın Ukraynaya hücum etməsindən iki həftə keçməmiş ABŞ və digər NATO üzvləri Ukraynaya təxminən 17 000 tank əleyhinə raket və 2 000 zenit raketi göndərmişdi.

O vaxtdan bəri NATO ölkələri, o cümlədən ABŞ silah və texnikanın tədarükünü dəstəkləyib, hətta Rusiya təchizatı dayandırmaqla hədələyib.

Müdafiə Nazirliyinin yüksək rütbəli rəsmisinin sözlərinə görə, fevralın sonunda təsdiq edilmiş ən son 350 milyon dollarlıq təhlükəsizlik yardımı paketi son bir neçə gündə Ukraynaya gəlib və ümumi məbləği 1 milyard dollar olan növbəti iki paket artıq gəlməyə başlayıb.

Aslan Məmmədov
Milli.Az