Aydan Salahova xərçəng olduğunu etiraf etdi - VİDEO

Tarix: 6 Aprel 2022 20:45

Mərhum Xalq rəssamı Tahir Salahovun qızı, rəssam və heykəltaraş Aydan Salahova onkoloji xəstəlikdən əziyyət çəkir.

Milli.Az axşam.az-a istinadən xəbər verir ki, o, bu haqda "Dojd" telekanalının təsisçisi və baş direktoru Natalya Sindeyevanın yutub layihəsində qonaq olarkən etiraf edib. Salahova bildirib ki, xəstəliyini gizli saxlayıb:

"Çünki atam sağ idi. Bu haqda danışmaq istəmirdim. Onun narahat olmasını istəmirdim. Bunu 2017-ci ildə öyrəndim. İnanırdım ki, bütün müalicəni keçəcəm və hər şey yaxşı olacaq. Xərçəngdən qorxmurdum. Amma bilmirdim ki, şüa terapiyasından sonra belə əks-təsirləri olacaq, buna hazır deyildim".

Rəssam qeyd edib ki, terapiyadan sonra 3 ay İtaliyada qalıb:

"Qorxdum, bunu beynimdə hesablamamışdım. Moskvada aldığım şüa terapiyasından sonra üç ay İtaliyada qaldım. Ola bilsin, İtaliyaya səfər etməyim səhv addım idi, mən çalışmalı idim.

Şüa terapiyası alarkən iki əsər fikirləşmişdim: "Gizli axşam" və "Pyeta". Getdim və gündə bir-iki saat işləməyə başladım, bu, çox ağrılı idi. Sonra Münhendə məni əks-təsirlərdən xilas edirdilər. Məni bitirməbitirməli olduğum işim ayaqda saxladı. 

Psixoloqumun mənə ilk sualı bu oldu: Siz bu xəstəlikdən nə qazandınız? Cavab verdim ki, mən "yox" deməyi bacarmırdım. Bu xəstəlik mənə "yox" deməyi öyrətdi".

Milli.Az