Aktual mövzular: Dollar alış-satışı, Neftin qiyməti, COP29, Hava proqnozu

Bakıda zəncirvari qəza baş verib, xəsarət alan var - FOTO

Tarix: 9 Aprel 2022 08:54

Bakının Nərimanov rayonu ərazisində yol qəzası baş verib.

Sonxeber.net APA-ya istinadən xəbər verir ki, hadisə Ziya Bünyadov prospektində qeydə alınıb.

Metronun 20 yanvar stansiyası istiqamətində hərəkətdə olan "Toyota" markalı avtomobilin sürücüsü qəfil əyləcdən istifadə edib. Bu zaman eyni istiqamətdə hərəkətdə olan "Mercedes" markalı nəqliyyat vasitəsinin sürücüsü sükana nəzarəti itirərək dayanan maşına çırpılıb. Daha sonra eyni istiqamətdə olan "VAZ-2107" markalı avtomobil "Mercedes"ə çırpılıb. Qəza nəticəsində "Mercedes"də olan bir nəfər xəsarət alıb.

Faktla bağlı Nərimanov Rayon Polis İdarəsində araşdırma aparılır.