Aktual mövzular: Dollar alış-satışı, Neftin qiyməti, COP29, Hava proqnozu

''Mən başqa cür etməliydim?'' - Lukaşenko

''Mən başqa cür etməliydim?'' - Lukaşenko

Tarix: 5 May 2022 22:28

"Belarus Rusiyanın Ukraynada keçirdiyi xüsusi əməliyyatda iştirak etməyəcək".

Sonxeber.net APA-ya istinadən xəbər verir ki, bunu Belarus Prezidenti Aleksandr Lukaşenko "Associated Press" agentliyinə müsahibəsində deyib.

"Biz Rusiya Silahlı Qüvvələrinin Ukraynada keçirdiyi xüsusi əməliyyatda iştirak etmək fikrində deyilik. Çünki buna ehtiyac yoxdur", - deyə Lukaşenko bildirib.

Onun sözlərinə görə, iki qonşu ölkənin vuruşması pisdir:

"Ancaq siz başa düşməlisiniz ki, biz Rusiya Federasiyası ilə müttəfiqik, ən yaxın müttəfiqlərik. Bizim çox yaxın hərbi-siyasi ittifaqımız var. Bunu heç kimdən gizlətməmişik. Bizim faktiki olaraq vahid ordumuz var", - deyə Lukaşenka əlavə edib.

O, Ukraynanın Belarusa zərbə endirməsi ilə bağlı yaranan təhlükədən də danışıb.

"Rusiya bu məsələni araşdırandan sonra dörd mövqeni vurmağa bizə kömək etdi. Qoşunların bir hissəsi, həqiqətən də Belarusdan Ukraynaya getdi. Mən başqa cür etməliydim? Məncə, yox", - deyə Belarus Prezidenti bildirib.


Etiketlər:  Mən başqa cür etməliydim Lukaşenko


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ