Aktual mövzular: Dollar alış-satışı, Məzənnə, Neftin qiyməti

Conson Makronla Ukraynaya yardım və Rusiyanın təcrid olunmasını müzakirə edib

Conson Makronla Ukraynaya yardım və Rusiyanın təcrid olunmasını müzakirə edib

Tarix: 6 May 2022 23:46

Böyük Britaniyanın Baş naziri Boris Conson Fransa Prezidenti Emmanuel Makronla telefon danışığı aparıb. Danışıqların mövzuları arasında ikitərəfli münasibətlər, Ukraynaya yardım və Rusiyanın təcrid olunması da var.

Milli.Az bildirir ki, bu barədə "report" Britaniya hökumətin rəsmi saytına istinadən xəbər verir.

Britaniyanın Baş naziri Makronu yenidən seçilməsi münasibətilə təbrik edib və dövlətlər arasında münasibətləri intensivləşdirmək barədə razılıq əldə edilib. Conson Fransa ilə avtokratiyalarla üzləşməkdən tutmuş qlobal enerji təhlükəsizliyinə qədər bir sıra məsələlər üzərində işləməyi hədəfləyir.

Conson və Makron yekdilliklə Putinin müharibəyə başlamasını qəti şəkildə pisləyiblər. Onlar təhlükəsizlik məsələlərini və Ukraynaya yardımı, habelə Rusiya Federasiyasının təcrid olunması tədbirlərini əlaqələndirmək barədə razılığa gəliblər.

"Baş nazir ötən ay Kiyevə səfərindən danışıb və Ukraynaya lazımi hərbi yardım göstəriləcəyi təqdirdə onun qalib gələcəyinə əminliyini bölüşüb. Bu qərarın Ukrayna hökumətinə aid olduğunu təsdiqləyib", - məlumatda bildirilir.

Milli.Az


Etiketlər:  Conson Makronla Ukraynaya yardım və Rusiyanın təcrid olunmasını müzakirə edib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ