Aktual mövzular: Dollar alış-satışı, Neftin qiyməti, COP29, Hava proqnozu

Türkiyə, Rusiya, Ukrayna və BMT nümayəndə heyətləri yaxın günlərdə görüşəcək

Türkiyə, Rusiya, Ukrayna və BMT nümayəndə heyətləri yaxın günlərdə görüşəcək

Tarix: 11 May 2022 17:14

Türkiyə, Rusiya, Ukrayna və BMT nümayəndələri yaxın günlərdə humanitar məsələlərlə bağlı görüş keçirə bilərlər.

Sonxeber.net bildirir ki, bu barədə Türkiyənin dövlət televiziyası TRT diplomatik mənbələrə istinadən məlumat yayıb.

Onun məlumatına görə, Ankaranın Moskva və Kiyev arasında münaqişənin həlli istiqamətində göstərdiyi səylər sayəsində yaxın günlərdə Türkiyə, Rusiya Federasiyası, Ukrayna və BMT emissarları arasında beynəlxalq məsələlər üzrə təmas qrupu çərçivəsində danışıqlar baş tuta bilər. Telekanalın məlumatına görə, dialoqun texniki müstəvidə baş tutması mümkündür. Məkan göstərilməyib.

TRT-nin məlumatına görə, BMT Təhlükəsizlik Şurasının "beşlik" daimi üzvü və maraqlı ölkələrlə, o cümlədən təhlükəsizlik təminatı məsələləri üzrə danışıqlar davam edir.

Bundan əvvəl bildirilmişdi ki, BMT baş katibinin müavini Martin Qriffits Rusiya və Ukrayna arasında humanitar məsələlər üzrə təmasların təşkili perspektivlərini müzakirə etmək üçün mayın 9-da Türkiyəyə səfər edib.

Aslan Məmmədov


Etiketlər:  Türkiyə Rusiya Ukrayna nümayəndə heyətləri yaxın günlərdə görüşəcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ