Aktual mövzular: Dollar alış-satışı, Neftin qiyməti, COP29, Hava proqnozu

Meksikada qarətçilərdən qorxan gənc sevgilisini qoyub qaçdı - VİDEO

Meksikada qarətçilərdən qorxan gənc sevgilisini qoyub qaçdı - VİDEO

Tarix: 5 Iyun 2022 15:36

Mili.Az Xəzər TV-yə istinadən bildirir ki, sosial şəbəkələrdə gəzməyə çıxan cütlüyün qarət olunması ilə bağlı görüntülər virus kimi yayılıb. Kadrların bu qədər populyarlaşmasına səbəb isə gəncin təhlükə anında sevgilisini atıb qaçması olub.

Hadisə Meksikada baş verib. Bununla bağlı yayılan videoda cütlüklərin əl-ələ söhbət edərək getdikləri görünür. Qəfil onların yanında bir motosikl dayanır. Bunu görən oğlan qızın əlini buraxaraq oradan qaçır. Kadrlarda qızın qarətçilərə müqavimət göstərmədən telefonunu verdiyi görünür.

Video sosial şəbəkələrdə geniş müzakirələrə səbəb olub. İstifadəçilər "Belə sevgilisi olana düşmən lazım deyil" kimi şərhlərlə gənci kəskin tənqid ediblər. Ancaq oğlanın tərəfində də duranlar tapılıb. Onların fikrincə, gənc qarşıdurmaya girsəydi, nəticə faciəli ola bilərdi.

"Videoda oğlanın əvvəlcə instinktiv olaraq qaçdığı görünür. Ancaq o, geri qayıdıb qızı qorumağa cəhd etsəydi, hər şey pis qurtara bilərdi", - deyə istifadəçilərdən biri bildirib.


Etiketlər:  Meksikada qarətçilərdən qorxan gənc sevgilisini qoyub qaçdı VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ