Tarix: 12 Iyun 2022 16:42

16:40

"Formula 1" üzrə Azərbaycan Qran-prisinin qalibi bəlli olub. 

"Red Bull" komandasından Maks Ferstappen bütün rəqiblərini qabaqlayıb.

Onun komanda yoldaşı Serxio Peres ikinci, "Mercedes"dən Corc Rassell üçüncü yeri tutub. Rassellin komanda yoldaşı, 7 qat dünya çempionu Lüis Hemilton 4-cü yerlə kifayətlənib. 

Beləliklə, Maks Ferstappen ilk dəfə Bakıdakı yarışda qalib olub. Ötən il onun komanda yoldaşı Serxio Peres finişə birinci çatdığı üçün "Red Bull" ardıcıl Bakıdakı ikinci yarışda qalib olub. 

-------

15:00

2022-ci il Formula 1 Azərbaycan Qran Prisinin final yarışına start verilib.

Belə ki , yarışın 3-cü günündə saat 15:00-17:00-da F1 pilotlarının Qran Pri uğrunda mübarizəsi davam edəcək.

Qeyd edək ki, Bakı trekinin uzunluğu 6 kilometrdir. Trekdə 3 yüksəksürətli hissə, 20 döngə var, maksimal sürət isə 360 km/s təşkil edir. Yarışlarda 10 komanda iştirak edir. Formula 1 Azərbaycan Qran Prisini canlı izləmək üçün 9 tribunada 16700 oturacaq quraşdırılıb.