Aktual mövzular: Dollar alış-satışı, Neftin qiyməti, COP29, Hava proqnozu

Bu tarixdə dünya əhalisinin sayı 8 milyarda çatacaq

Tarix: 12 Iyul 2022 08:48

Noyabrın 15-də dünya əhalisinin sayı 8 milyarda çatacaq, 2023-cü ildə Hindistan dünyanın əhalisi ən çox olan ölkəsinə çevriləcək.

Sonxeber.net axar.az-a istinadən bildirir ki, bu proqnoz Birləşmiş Millətlər Təşkilatının noyabrın 11-də - Ümumdünya Əhali Günündə dərc etdiyi "World Population Prospects 2022" məruzəsində yer alıb.

Məruzəni şərh edən BMT-nin Baş katibi Antonio Quterriş bildirib ki, ömür uzunluğu, uşaq və ana ölümlərinin azalması səhiyyə sahəsində nailiyyətlərə gətirib çıxarıb.

Məruzədə qeyd olunur ki, hazırda 1950-ci illərdən bəri dünyada doğumun ən az artımı müşahidə edilir. Son onilliklərdə bir çox ölkələrdə doğum əhəmiyyətli dərəcədə azalıb. Təşkilatın son proqnozlarına əsasən, dünya əhalisinin sayı 2030-cu ildə 8,5 milyard, 2050-ci ildə 9,7 milyard təşkil edəcək, bundan sonra 10,4 milyarda çatacaq və 2100-cü ilə qədər bu həddə qalacaq.

BMT hesab edir ki, əhalinin proqnozlaşdırılan artımının yarıdan çoxu səkkiz ölkədə - Konqo Demokratik Respublikası, Misir, Efiopiya, Hindistan, Nigeriya, Pakistan, Tanzaniya və Filippində cəmlənəcək.

Whatsapp ilə göndər