Aktual mövzular: Dollar alış-satışı, Neftin qiyməti, COP29, Hava proqnozu

Məktəbli anasının kartından onlayn oyuna külli miqdarda pul köçürüb

Tarix: 12 Iyul 2022 14:08

16 yaşlı qız onlayn fırıldaqçıların qurbanı olub. Belə ki, ondan 110 min rubl (3050 manat) oğurlanıb.

Bu barədə Samara Daxili İşlər Nazirliyi məlumat verib.

Sonxeber.net oxu.az-a istinadən xəbər verir ki, 46 yaşlı Samara sakini hüquq-mühafizə orqanlarına müraciət edərək 16 yaşlı qızının internetdə dələduzların qurbanı olduğunu bildirib. Qız messengerlərdən birində kanala abunə olub ki, burada ona qalibin pul mükafatı alacağı oyun oynamaq təklif edilib.

Fırıldaqçılıq sxemi isə belə olub: oyun iştirakçıları paylaşımın administratoru tərəfindən göstərilən karta pul köçürürlər, məbləğ hər dəfə artırılır və final oyununda ən sürətli iştirakçı əsas pul mükafatını alır.

Qız anasının bank kartından istifadə edərək fırıldaqçılara ümumilikdə 110 min rubl köçürüb. Oyunun administratoru ona qazandığı deyilən puldan 13% vergi ödəməyi təklif edəndə məktəbli fırıldaqdan şübhələnib və anasına hər şeyi etiraf edib.

Hadisə ilə bağlı cinayət işi başlanıb.

Whatsapp ilə göndər