Aktual mövzular: Dollar alış-satışı, Məzənnə, Neftin qiyməti

Türkiyənin turizm bölgələrindəki insanlara xəbərdarlıq

Tarix: 19 Iyul 2022 15:38

Türkiyənin Antalya valiliyi 19-25 iyul tarixləri arasında vilayətdə yüksək temperatur barədə xəbərdarlıq edib.

Milli.Az oxu.az-a istinadən xəbər verir ki, açıqlamaya görə, 19 iyul tarixindən 25 iyul axşam saatlarına qədər Antalyada havanın temperaturunun sahilyanı ərazilərdə 38-44 dərəcə, daxili bölgələrdə isə 32-36 dərəcə arasında olacağı gözlənilir.

Bundan əlavə, eyni tarixlər arasında rütubət nisbətinin 10-30 faiz arasında təxmin edildiyi və şimal və şimal-şərq istiqamətlərindən saatda 40-60 kilometr arasında güclü küləyin gözlənildiyi bildirilib.

İnsanlardan gözlənilən yüksək temperatur, aşağı rütubət və güclü küləyin səbəb ola biləcəyi fəsadlara qarşı diqqətli və tədbirli olmaq istənilib.

Muğla valiliyi də həftə ərzində vilayət boyu yüksək temperatur barədə xəbərdarlıq edib.

Valilik tərəfindən edilən açıqlamada qeyd edilir ki, cari həftə üçün havanın hərarəti mövsüm normalarından çox olacaq.

Egey sahillərində isə küləyin sürətinin 21 iyul tarixindən saatda 40-60 kilometr arasında olacağı bildirilib.

Havanın temperaturu, rütubət və külək şəhərdə meşə yanğınları riskini artıra bilər.

Milli.Az

Whatsapp ilə göndər