Aktual mövzular: Dollar alış-satışı, Neftin qiyməti, COP29, Hava proqnozu

“Akkord”un borcu 6 milyona çatır

Tarix: 27 Iyul 2022 08:16

"Akkord" şirkətlər qrupuna daxil olan "Akkord Hydrotechnical Construction Company" MMC-nin dövlət qarşısında vergi borcu 4,5 milyon manata çatıb.

Sonxeber.net "qafqazinfo"ya istinadən xəbər verir ki, Bakının Nərimanov rayonu, Teymur Əliyev küçəsi k 59. (İndiki Məmməd Araz) ünvanında qeydiyyatda olan şirkətin hazırda vergi borcu 4 410 070.30 manat təşkil edir.

Bu borc iki ay öncə 2 122 041.59 manat idi.

"Korporasiya bu öhdəliklərin hissə-hissə icrası istiqamətində vergi orqanları ilə danışıqlar aparıb və müəyyən razılıq əldə olunub" - Şirkətdən may ayında verilən açıqlamada qeyd olunmuşdu.

Qeyd edək ki, şirkətin əsas fəaliyyət dairəsinə su və kanalizasiya sistemlərinin çəkilməsi, içməli və çirkab sutəmizləyici qurğuların, inzibati binaların, su anbarlarının və yardımçı binaların tikilməsi daxildir.

Eyni zamanda şirkətlər qrupuna daxil olan "Körpü-Tünel Tikinti" MMC-nin də vergi borcu artıb. İki ay öncə MMC-nin vergi borcu 269 274.31 manat idisə, indi bu məbləğ 1 317 642.77 AZN-dir.

Qeyd edək ki, Akkord Şirkətlər Qrupu sabiq baş prokuror Zakir Qaralova məxsusdur.

Whatsapp ilə göndər