''Qarabağ''ın pley-off mərhələsində potensial rəqibləri bəlli oldu

Tarix: 28 Iyul 2022 09:56

Çempionlar Liqasının pley-off mərhələsinin səbətləri dəqiqləşib.

Sonxeber.net apasport.az-a istinadla bildirir ki, avqustun 2-də keçiriləcək püşkatmada III təsnifat mərhələsinin 6 cütü və əvvəlki raundlardan azad iki komanda çıxış edəcək.

Bu komandalar reytinqinə əsasən iki səbətə bölünüb. Azərbaycan çempionu "Qarabağ"ın "Ferensvaroş"la cütü səpələnməmişlər sırasındadır.

Azərbaycan çempionunu 4 deyil, 3 mümkün variant gözləyir. "Srvena Zvezda" - "Pünik" cütü təmsilçimizə potensial rəqib ola bilməz. Buna Azərbaycanla Ermənistan komandalarının qarşılaşa bilməməsi səbəb olub. Təmsilçimizi 2 cüt və bir klub gözləyir.

Qeyd edək ki, püşkatma Bakı vaxtı ilə saat 14:00-da başlayacaq.

Səpələnmişlər
"Lüdoqorets" (Bolqarıstan) - "Dinamo" (Xorvatiya)
"Srvena Zvezda" (Serbiya) - "Pünik" (Ermənistan)
"Kopenhagen" (Damimarka)
"Şerif" (Moldova) - "Viktoriya" (Çexiya)

Səpələnməmişlər
"Ferensvaroş" (Macarıstan) - "Qarabağ" (Azərbaycan)
"Makkabi" (Hayfa, İsrail) - "Apollon" (Kipr)
"Bodo Qlimt" (Norveç) - "Jalgiris" (Litva)
"Trabzonspor" (Türkiyə)