Aktual mövzular: Dollar alış-satışı, Məzənnə, Neftin qiyməti

Şəhidin qardaşını videoya çəkən araşdırılır, bəs yayan kimdir?

Tarix: 16 Sentyabr 2022 22:18

Xəbər verdiyimiz kimi, şəhid Səbuhi Əhmədovun qardaşı Sənan Əhmədovun yayılan videosu ilə bağlı dövlət qurumları hərəkətə keçib. Artıq Baş Prokurorluğun hadisə ilə bağlı açıqlamasında videonun araşdırılacağını və təqsiri müəyyən ediləcək şəxslərin məsuliyyətə cəlb ediləcəyi bildirilib.

Videonun Müdafiə Nazirliyində lentə alındığı deyilsə də, nazirlik məsələ ilə bağlı açıqlamasında sosial şəbəkələrdə paylaşılan məlum foto və video görüntülərin onlarla heç bir əlaqəsi olmadığını qeyd edib.

Milli.Az "qafqazinfo"ya istinadən xəbər verir ki, görüntülərin sosial şəbəkələrdə necə yayılması ilə bağlı müzakirələr səngimir. Videonu feysbukda ictimailəşdirən tanınmış bloqer Həbib Müntəzir məsələyə aydınlıq gətirib. O bildirib ki, görüntünü "Kyrill_Tnews" teleqram kanalından götürüb. Lakin daha sonra kanal bağlanıb.

"Video Telegram kanallarında yayılmışdı və mən də ordan götürmüşəm, qınamışam. Telegramdakı kanalın adı "Kyrill_Tnews". Söz-söhbət yayılan kimi, kanalı "private" etdilər", - deyə Həbib Müntəzir qeyd edib.

Milli.Az

Whatsapp ilə göndər