Aktual mövzular: Dollar alış-satışı, Neftin qiyməti, COP29, Hava proqnozu

Hava hücumu xəbərdarlığı edildi, oyun yarımçıq dayandı

Tarix: 24 Oktyabr 2022 23:48

Futbol üzrə Ukrayna çempionatının 9-cu turunun "Krivbas" və Kirovoqrad vilayətinin "İnqulets" komandalarının qarşılaşması hava hücumu xəbərdarlığı səbəbindən dayandırılıb.

Sonxeber.net matc.az-a istinadən bildirir ki, Kiyevdəki "Olimpik" stadionunda baş tutan matç ilk hissə gedərkən yarımçıq qalıb.

Həmin vaxt hesab 0:0 olub. Daha sonra oyun qaldığı yerdən davam etdirilib və yekunda "Krivbas" 2:1 hesabıyla qalib gəlib.

Bu gün Ukraynanın bütün bölgələrində hava hücumu xəbərdarlığı elan edilib. Daha öncə də Ukraynada bir neçə futbol matçı oxşar xəbərdarlıqlara görə yarımçıq dayandırılmışdı və bir neçə cəhddən sonra sona çatdırılmışdı.

"Krivbas" 6 xal toplayıb və turnir cədvəlində 13-cü yerdədir. "İnqulets" isə 4 xalla 15-ci sırada qərarlaşıb.

Whatsapp ilə göndər